Özbəkistanın Daşkənd şəhərində keçirilən Mərkəzi Asiya ölkələri energetika nazirlərinin növbəti görüşündə Azərbaycan, Qazaxıstan və Özbəkistan arasında yaşıl enerjinin inkişafı və ötürülməsi layihəsi üzrə nazir müavinləri səviyyəsində müzakirələr aparılıb.

Energetika Nazirliyindən verilən məlumata görə, tədbirdə “Azərbaycan-Mərkəzi Asiya-Avropa” yaşıl enerji dəhlizinin yaradılması üzrə görülən işlər və atılacaq növbəti addımlar nəzərdən keçirilib.

Görüşdə onlayn formatda iştirak edən Səudiyyə Ərəbistanı Krallığının energetika nazirinin müavini Fuad Mosa qeyd olunan layihəyə ölkəsinin marağını bir daha ifadə edib. Bu istiqamətdə COP29 çərçivəsində 4 ölkə arasında imzalanan İcra Proqramından irəli gələn məsələlər müzakirə edilib.