9-10 dekabr 2024-cü il tarixlərində İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzi (4SİM) və Dünya İqtisadi Forumunun (DİF) nümayəndələrinin iştirakı ilə 2025-ci il üçün hazırlıq vörkşopu keçirilib.

Mərkəzin məlumatına görə, 4SİM-in icraçı direktoru Fariz Cəfərov qurumun cari ildəki fəaliyyəti, o cümlədən icra edilən layihə və təşəbbüslərə dair təqdimatla çıxış edib.

Vörkşopda 2025-ci ildə müştərək prioritetlərə uyğun strateji əməkdaşlıq istiqamətlərini təyin etmək istiqamətində müzakirələr aparılıb.

Xatırladaq ki, 2021-ci ildə əsası qoyulan 4SİM həm də DİF-in Azərbaycanda affilə edilmiş Dördüncü Sənaye İnqilabı Mərkəzidir. Hazırda DİF-in dünya üzrə 21 analoji mərkəzi fəaliyyət göstərir.