26 Oktyabr 2020

VERGİLƏR

SOSİAL-İQTİSADİ ONLAYN QƏZET

"Milli Məkan Məlumatları İnfrastrukturunun əsasları" mövzusunda konfrans

Bakıda keçirilən tədbirin məqsədi yeni infrastrukturun formalaşdırılması, idarə olunması, aktuallığın təmin edilməsi, inteqrasiyası və mühafizəsi ilə bağlı işləri təkmilləşdirməkdir.

Əmlak Məsələləri Dövlət Komitəsinin sədri Kərəm Həsənov konfransda çıxış edərək yeni yaradılan informasiya infrastrukturunun rəqəmsal hökumətə keçid üçün vacib baza olduğunu deyib. "Milli Məkan Məlumatları İnfrastrukturunu yaratmaqda məqsəd elektron hökumətin fəaliyyətini hər bir vətəndaşın gündəlik həyatında hiss etdirməkdir. İlin sonuna tam hazır olacaq sistemdəki məlumatların əsas hissəsini torpaqlarla bağlı məkan məlumatları təşkil edir".