Bu ilin sentyabr ayında Naxçıvan Muxtar Respublikasında istehsal olunan ümumi elektrik enerjisinin 35 faizi alternativ və bərpaolunan enerji mənbələrinin payına düşüb.

Muxtar Respublikanın Dövlət Energetika Xidmətinin məlumatına görə, ay üzrə istehsal olunan ümumi elektrik enerjisinin 65 faizi İstilik Elektrik Stansiyalarında, 20 faizi Su Elektrik Stansiyalarında, 15 faizi isə Günəş Elektrik Stansiyalarında istehsal olunaraq elektrik şəbəkələrinə ötürülüb.

Ötən ilin doqquz ayı ilə müqayisədə alternativ və bərpaolunan enerji mənbələrində istehsal olunan elektrik enerjisinin payında artım qeydə alınıb. Belə ki, 2023-cü ilin doqquz ayında "yaşıl enerji"nin istehsal payı 35,1 faiz olduğu halda 2024-cü ilin müvafiq dövründə bu rəqəm 53 faizə yüksəlib.