14 İyul 2024

VERGİLƏR

SOSİAL-İQTİSADİ ONLAYN QƏZET

Sumqayıt Kimya Sənaye Parkının rezidenti karton istehsalının həcmini artıracaq

İqtisadi Zonaların İnkişafı Agentliyinin idarəçiliyində olan Sumqayıt Kimya Sənaye Parkının (SKSP) rezidenti “UPI - Universal Packing Industry” Qapalı Səhmdar Cəmiyyəti (QSC) karton istehsalının həcmini artıracaq.

QSC-dən “Azərbaycan iqtisadiyyatı” Teleqram kanalına verilən məlumata görə, hazırda zavodun aylıq karton istehsal etmə gücü 200 min kvadratmetrdir. Zavod aylıq istehsal gücünü 500 min kvadratmetrə çatdırmaq üçün Çin və Türkiyədən yeni avadanlıqlar sifariş edib. Təxminən 3 aydan sonra istehsal gücünün qoyulan hədəfə çatacağı gözlənilir.

Qida məhsulları, məişət texnikası və s. qablaşdırılması üçün istifadə edilən kartonlar müştərilərin sifarişlərindən asılı olaraq müxtəlif ölçüdə hazırlanır. Hazırda bəzi avadanlıqların olmaması kartonların yapışdırılması və preslənməsini həyata keçirməyə imkan vermir. Yeni avadanlıqlar quraşdırıldıqdan sonra isə QSC bu prosesləri də yerinə yetirməklə istehsal həcmi və sifarişlərinin sayını artıra biləcək.

Müəssisə karton istehsalı üçün tələb olunan xammalı Rusiyadan alır. İndiyədək Rusiyadan təqribən 600 min manatlıq xammal gətirilib.

Qeyd edək ki, “UPI - Universal Packing Industry” QSC-yə 2019-cu ilin sentyabrında Sumqayıt Kimya Sənaye Parkının rezidenti statusu verilib. Müəssisənin ümumi investisiya dəyəri 4,8 milyon manatdan artıqdır. Zavod 2023-cü ilin oktyabr ayından fəaliyyətə, cari ilin aprel ayından isə karton istehsalına başlayıb.

VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır? VergiƏDV-nin bir hissəsinin geri qaytarılması hansı mallara aiddir? VergiNəqliyyat vasitəsini icarəyə götürən müəssisənin hansı vergi öhdəliyi yaranır? VergiVergi ödəyicisinin fəaliyyətinin aktivləşməsi hansı öhdəliklər yaradır?