23 May 2024

VERGİLƏR

SOSİAL-İQTİSADİ ONLAYN QƏZET

19 faydalı qazıntı yatağı hərraca çıxarılacaq

Ekologiya və Təbii Sərvətlər Nazirliyi yanında Dövlət Mineral Xammal Ehtiyatlarından İstifadə Agentliyi və İqtisadiyyat Nazirliyi yanında Əmlak Məsələləri Dövlət Xidmətinin Hərracların Təşkili Mərkəzi tərəfindən faydalı qazıntı yataqlarının istifadəyə verilməsi üzrə növbəti hərrac iyunun 5-də keçiriləcək.

Dövlət Xidmətinin məlumatına görə, hərracda Şəmkirdə yerləşən “Aşağı Zəyəmçay” (2 ha), Qazaxda “Dəmirçilər”” (1 ha), Balakəndə “Katexçay” (9 ha), “Balakənçay II” (10 ha) və “Paşan” (13 ha), Qəbələdə “Xırxatala” (2 ha), Zaqatalada “Qaraçay I” (30 ha) və “Talaçay” (8 ha), Şəkidə “Qaşqaçay” (2 ha), İsmayıllıda “Təzəkənd” (25 ha) qum-çınqıl yataqları investorlara təklif olunacaq. Bununla yanaşı, Masallıda “Güllütəpə I” (7 ha), Göyçayda “Qarabaqqal I” (0,54 ha) və Ağcabədidə “Muğanlı” (1,40 ha) gil yatağı, həmçinin Abşeronda “Qumyataq” (5,6 ha) silikat qumu yatağı, Daşkəsəndə “Yalqışlaq” (2,1 ha) andezit yatağı, Şəmkirdə “Şəmkir” (6,56 ha) qranodiorit yatağı, Hacıqabulda “Kürdçü” (10 ha) və “Atbulaq” (5 ha), Xızıda “Yeni Yaşma I” (5,5 ha) qum yataqları da hərraca çıxarılır.

İddiaçılar hərracda iştirakla bağlı sənədləri 27 may 2024-cü il saat 18:00-dək “Bakı KOB evi”nə (Bakı şəhəri, Ziya Bünyadov prospekti, 38C, 1969-cu məhəllə) təqdim edə bilərlər.

Əsas şərtlər tоplusunu əldə etmək və hərracda iştirak üçün iddiaçılar hərrac haqqında elanda qeyd оlunan məbləğdə xidmət haqqını və behi ödəməlidirlər. Hərracda xarici ölkələrin hüquqi və fiziki şəxsləri də iştirak edə bilərlər. Hərrac Əmlak Xidmətləri Məkanında keçiriləcək.

Hərrac elanı ilə Əmlak Məsələləri Dövlət Xidmətinin rəsmi saytında (https://clck.ru/3A8vTU) tanış olmaq olar.

VergiFiziki şəxsin icarədən gəlirləri hansı formada vergiyə cəlb olunur? VergiPərakəndə satış təşkil edən sahibkar kassa aparatı quraşdırmalıdırmı? VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı VergiQeyri-sahibkarlıq fəaliyyətindən əldə edilmiş gəlirlər hansılardır? VergiHansı halda xaricdə əldə olunan gəlirlərə görə vergi öhdəliyi yaranmır?