2024-cü ilin birinci rübündə ümumi ödəniş daxilolmalarında ən yüksək paya malik iqtisadi fəaliyyət sahələri dövlət idarəetməsi və müdafiə (31,3 faiz), topdan və pərakəndə ticarət (14 faiz) və tikinti (13 faiz) olub.

“Azərbaycan iqtisadiyyatı” Teleqram kanalı Azərbaycan Mərkəzi Bankının "Sahələrarası maliyyə axınlarının təhlilinə dair hesabat"ına istinadən xəbər verir ki, daxilolmalarda ötən ilin müvafiq dövrünə nəzərən artıma ən yüksək töhfə verən iqtisadi fəaliyyət sahələri dövlət idarəetməsi və müdafiə (882,1 milyon manat artım) və peşə, elmi və texniki fəaliyyət (471,8 milyon manat artım) sahələri olub.

Ən çox artım daşınmaz əmlak (66,7 faiz artım), peşə, elmi və texniki fəaliyyət (62,9 faiz artım), inzibati və yardımçı xidmətlər (53,6 faiz artım) və informasiya və rabitə (46 faiz artım) sahələrində qeydə alınıb.