Bu ilin yanvar-mart ayları ərzində Sahibkarlığın İnkişafı Fondu tərəfindən Naxçıvan Muxtar Respublikasında kənd təsərrüfatı yönümlü 8 layihə maliyyələşdirilib.

"Azərbaycan iqtisadiyyatı" Teleqram kanalı Naxçıvan Muxtar Respublikasının İqtisadiyyat Nazirliyinin məlumatına istinadən xəbər verir ki, layihələrin maliyyələşdirilməsinə 189 min manat vəsait sərf olunub ki, bu da ötən ilin eyni dövrü ilə müqayisədə 2,5 dəfə çoxdur.

Cari ilin ilk 3 ayı ərzində qaytarılan kreditlərin həcmi 1,7 milyon manat təşkil edib. Bu, 2023-cü ilin eyni dövrünün müvafiq göstəricisini 52 faiz üstələyir.

Rüb ərzində 290,2 min manat vaxtı keçmiş kredit vəsaitinin ödənilməsi təmin edilib ki, bu da ötən ilin eyni dövrü ilə müqayisədə 2,3 dəfə çoxdur.