Bu ilin yanvar-noyabr aylarında Rostov vilayətindən Azərbaycana 8 min tona yaxın taxıl ixrac edilib.

"Azərbaycan iqtisadiyyatı" Teleqram kanalı xəbər verir ki, bu barədə Rusiya mətbuatına “Taxılın Keyfiyyətinin Qiymətləndirilməsi Mərkəzi” Federal Dövlət Büdcə Qurumunun Rostov filialının direktoru Oleq Şaşlov məlumat verib.

Onun sözlərinə görə, göstərilən müddətdə əsasən üçüncü növ buğdanın tədarükü həyata keçirilib.

"Azərbaycan tərəfi taxıl məhsullarının keyfiyyətinə və təhlükəsizliyinə xüsusi tələblər qoyur. Şüşəlik, reoloji xüsusiyyətlər və digər göstəricilərə xüsusi diqqət yetirilir", - deyə O.Şaşlov bildirib.

O əlavə edib ki, Azərbaycana daşımalar əsasən dəmir yolu və avtomobil nəqliyyatı ilə həyata keçirilir.