Bu ilin yanvar-noyabr ayları ərzində “KazTransOil” SC (“KazMunayQaz” SC-nin törəmə müəssisəsi) Aktau limanından 3,062 milyon ton Qazaxıstan nefti ixrac edib ki, bu da ötən ilin müvafiq dövrü ilə müqayisədə 1,014 milyon ton və ya 50 faiz çoxdur.

"Azərbaycan iqtisadiyyatı" Teleqram kanalı “KazMunayQaz”a istinadən xəbər verir ki, Qazaxıstan neftinin Aktau limanından ixrac üçün nəqlinin həcminin artması Bakı limanına göndərilən xammalın həcminin 205 min tondan 1,238 milyon tona yüksəlməsi ilə bağlıdır ki, bu da 2022-ci ilin eyni dövrü ilə müqayisədə 6 dəfə çoxdur.

Bundan əlavə, hesabat dövründə Aktau limanından Mahaçqala limanına 1,824 milyon ton neft göndərilib.

Qeyd edək ki, 2022-ci ildə Qazaxıstan Respublikasının Prezidenti Kasım-Jomart Tokayev Transxəzər dəhlizi ilə neft nəqlinin həcminin artırılması barədə göstəriş verib. Göstərişə uyğun olaraq, “KazMunayQaz” və SOCAR arasında “Tengiz” yatağından Bakı-Tbilisi-Ceyhan neft kəməri istiqamətində ildə 1,5 milyon ton neftin nəqlini nəzərdə tutan müqavilə bağlanıb.