Bu ilin yanvar-sentyabr ayları ərzində ölkədən 34,4 milyon ABŞ dolları dəyərində 54,1 min tondan çox alma ixrac edilib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, ötən ilin müvafiq dövrü ilə müqayisədə ixracın dəyəri 33 faiz, həcmi isə 36,1 faiz artıb.

Cari ilin avqust ayına nisbətdə isə sentyabrda almanın ixrac dəyəri 4,4 faiz artaraq 5,16 milyon dollar, həcmi isə 13,2 faiz artaraq 8,8 min ton təşkil edib.

Qeyd edək ki, 2023-cü ilin ilk 9 ayında almanın ümumi ixracda xüsusi çəkisi 0,13 faizə, qeyri-neft məhsullarının ixracında çəkisi isə 1,41 faizə bərabər olub.