Bu ilin yanvar-sentyabr aylarında Azərbaycanın Cənubi Afrika Respublikası (CAR) ilə ticarət dövriyyəsinin ümumi həcmi ötən ilin müvafiq dövrünə nisbətdə 6,1 faiz və ya 384,6 min ABŞ dolları artaraq 6,6 milyon dolları üstələyib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk 9 ayında Azərbaycandan CAR-a 263,7 min dollar dəyərində məhsul ixrac edilib ki, bu da 2022-ci ilin eyni göstəricisindən 7,8 dəfə və ya 229,86 min dollar çoxdur.

CAR-dan Azərbaycana idxal edilən məhsulların dəyəri isə 2,5 faiz və ya 154,7 min dollar artaraq 6,4 milyon dollar təşkil edib.

Cari ilin yanvar-sentyabr aylarının nəticələrinə görə, ölkənin ümumi ticarət dövriyyəsində Cənubi Afrika Respublikası ilə ticarətin payı 0,01 faiz təşkil edib.