“Bizim istəyimiz Zəngəzur və Laçını dinc dəhlizlərə çevirməkdir”.

“Azərbaycan iqtisadiyyatı” Teleqram kanalı xəbər verir ki, bu barədə Naxçıvan Muxtar Respublikasından qayıdarkən Türkiyə mətbuatına açıqlamasında Prezident Rəcəb Tayyib Ərdoğan deyib.

Onun sözlərinə görə, müharibənin hökm sürdüyü zaman dəhlizi təsəvvür etmək mümkün deyil.

“Azərbaycanın suverenliyi altında Xocalı və Qarabağ üçün daimi sülh və əmin-amanlığın vaxtı çatıb. Ermənistan sülhün tərəfində olmalıdır ki, regionda sülh hökm sürsün”, - deyə Türkiyə Prezidenti qeyd edib.

R.T.Ərdoğan əlavə edib ki, Naxçıvanla Azərbaycanın digər bölgələri arasında dəmir yolu və avtomobil yolları ilə birbaşa əlaqənin yaradılması Türkiyə ilə Azərbaycanın əlaqələrini daha da möhkəmləndirəcək: “Ona görə də biz bu dəhlizi (Zəngəzur dəhlizi - red.) tez bir zamanda açmaq üçün lazım olan hər şeyi edəcəyik. Onun açılması ilə avtomobillər və qatarlar Bakıdan Qarsa birbaşa hərəkət edə biləcək”.