Kiçik və Orta Biznesin İnkişafı Agentliyi (KOBİA) və Çexiyanın “A-Z Czech Engineering” şirkəti arasında Niyyət Protokolu imzalanıb.

Agentlikdən “vergiler.az”a verilən məlumata görə, sənədi KOBİA-nın İdarə Heyətinin sədri Orxan Məmmədov və “A-Z Czech Engineering” şirkətinin təsisçisi Milan Pavlicek imzalayıblar.

Niyyət Protokolu Azərbaycanda alternativ enerjidən istifadədə maraqlı olan tərəflər arasında müvafiq əlaqələndirmə işlərinin aparılması, bu sahədə təlim və təşviqat tədbirlərinin təşkili, alternativ enerji sahəsinə investisiyaların və müasir texnologiyaların cəlb edilməsi və müvafiq layihələrdə iştirak üzrə əməkdaşlığı nəzərdə tutur.