Bu ilin yanvar-iyun aylarında Azərbaycanın Avropa İttifaqı (Aİ) ölkələri ilə ticarət dövriyyəsinin ümumi həcmi 1,21 milyard ABŞ dolları və ya 9,7 faiz artaraq 13,73 milyard dolları ötüb.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, cari ilin ilk 6 ayında Azərbaycandan Aİ ölkələrinə 12,19 milyard dollar dəyərində məhsul ixrac edilib ki, bu da 2022-ci ilin eyni göstəricisindən 658,9 milyon dollar və ya 5,7 faiz çoxdur.

Aİ ölkələrindən Azərbaycana idxal edilən məhsulların dəyəri isə 56,5 faiz və ya 556,7 milyon dollar artaraq 1,54 milyard dolları üstələyib.

Cari ilin ilk altı ayının nəticələrinə görə, ölkənin ümumi ticarət dövriyyəsində Aİ ölkələri ilə ticarətin payı 52,5 faiz təşkil edib ki, bu da bir il əvvəlki eyni göstəricisindən 2,1 faiz bəndi çoxdur.