Bu ilin yanvar-may ayları ərzində 188 216 daşınmaz əmlakın texniki inventarlaşdırılması aparılıb və texniki pasportu tərtib edilib.

İqtisadiyyat Nazirliyi yanında Əmlak Məsələləri Dövlət Xidmətindən “vergiler.az”a verilən məlumata görə, bu, ötən ilin eyni dövrü ilə müqayisədə 74,2 faiz çoxdur.

Cari ilin ilk beş ayı ərzində qeydiyyata alınan ipoteka müqavilələrinin sayı əvvəlki ilin müvafiq dövrü ilə müqayisədə 19 faiz artaraq 33 132 təşkil edib.