Azərbaycan Mərkəzi Bankının (AMB) İdarə Heyətinin qərarı ilə uçot dərəcəsi 0,25 faiz bəndi artırılaraq 9 faizə çatdırılıb.

“vergiler.az” AMB-nin yaydığı məlumata istinadən xəbər verir ki, bankın qərarına əsasən, faiz dəhlizinin aşağı həddi 0,5 faiz bəndi artırılaraq 7,5 faizə, yuxarı həddi isə 0,25 faiz bəndi artırılaraq 10 faiz səviyyəsinə qaldırılıb.

“Bu qərar daxili və xarici mühitdə inflyasiya proseslərinə təsir göstərən amillərin dəyişimi və yenilənmiş makroiqtisadi proqnozlar nəzərə alınmaqla verilib” – deyə AMB-dən bildirilib.

Yeni uçot dərəcəsi bu il mayın 4-dən qüvvəyə minir. Pul siyasəti ilə bağlı növbəti qərar 2023-cü il iyun ayının 21-də açıqlanacaq.