Avropa İttifaqının (Aİ) enerji məsələləri üzrə komissarı Kadri Simson enerji böhranı dövründə Azərbaycanın Avropanın enerji təhlükəsizliyinə töhfəsini qiymətləndirib.

Energetika Nazirliyindən “vergiler.az”a verilən məlumata görə, Brüsseldə Azərbaycan ilə Aİ arasında enerji tərəfdaşlığının yeni mərhələdə inkişafı məqsədilə yaradılan yüksək səviyyəli enerji dialoqu çərçivəsində çıxış edən K.Simson böhranın idarə olunmasından ortamüddətli strateji planlaşdırmaya keçərkən Aİ-nin gözlənilən qaz tələbatının da nəzərə alındığını, Cənub Qaz Dəhlizinin genişləndirilməsinin vacib məsələlərdən biri olduğunu qeyd edib.

“Biz dəhlizin genişlənməsini dəstəkləyirik. Bugünkü görüş növbəti konkret addımların müəyyənləşməsində bizə kömək etdi. REPowerEU planımıza uyğun olaraq, Avropa İttifaqı Cənubi Qafqaz qonşularımızı və tərəfdaşlarımızı bərpa olunan enerji istehsalının artırılması sahəsində dəstəkləyir. Məsələn, Xəzər regionunda Azərbaycanda metan emissiyalarının aşağı olması metan fəaliyyəti ilə bağlı ölkənin lider mövqeyini birgə müdafiə etmək imkanları yaradacaq”, - K.Simson əlavə edib.