Bu ilin yanvar-mart ayları ərzində magistral neft kəmərləri ilə 9500,8 min ton neft nəql edilib.

“vergiler.az” Dövlət Statistika Komitəsinin hesabatına istinadən xəbər verir ki, nəqletmənin 76,3 faizi Bakı-Tbilisi-Ceyhan (BTC) neft ixrac kəməri ilə həyata keçirilib və cari ilin ilk rübü ərzində bu kəmər vasitəsilə 7244,5 min ton neft ötürülüb ki, bu da ötən ilin eyni dövrünün göstəricisindən 8,5 faiz çoxdur.

Dövr ərzində BTC kəməri ilə nəql edilən neftin 85,9 faizini və ya 6223,7 min tonunu Azərbaycanda hasil edilən neft, 14,1 faizini və ya 1020,8 min tonunu isə Türkmənistan və Qazaxıstandan daxil olan neft təşkil edib.