Əmanətlərin Sığortalanması Fondunun (ƏSF) ləğvetməsində olan bankların balansındakı birbaşa satışı nəzərdə tutulan daşınar əmlakların satışını sürətli şəkildə təmin etmək məqsədilə elektron auksion portalı (auction.adif.az) istifadəyə verilib.

Fonddan “vergiler.az”a verilən məlumata görə, qeydiyyatdan keçən hər bir şəxs auksionda iştirak etməklə və ya auksiona qatılmadan məhsul üçün təyin olunan məbləği dərhal ödəməklə seçilən əmlakı əldə edə bilər.

Hərrac üçün nəzərdə tutulan yeni platformada müxtəlif kateqoriyalar üzrə məhsulları da əldə etmək mümkündür. Bu kateqoriyalara bank avadanlıqları, mebel, məişət texnikası, İT və ofis avadanlıqları kimi məhsullar daxildir.