27 İyul 2024

VERGİLƏR

SOSİAL-İQTİSADİ ONLAYN QƏZET

“DİM İnvestor Xəritəsi” üzrə maraqlı tərəflər üçün tədbir təşkil olunub

2020-ci ildə BMT-nin İnkişaf Proqramının Azərbaycan üzrə nümayəndəliyi tərəfindən ölkədə dayanıqlı inkişafa nail olunması istiqamətində “İnteqrə Olunmuş Milli Maliyyələşdirmə Çərçivəsi” (INFF) müştərək proqramının icrasına başlanılıb.

İqtisadiyyat Nazirliyindən “vergiler.az”a verilən məlumata görə, proqram çərçivəsində “DİM İnvestor Xəritəsi”nin hazırlanması məqsədilə BMT-nin Özəl sektorun İnkişafı üzrə İstanbul Beynəlxalq Mərkəzi ilə əməkdaşlıq edilir.

Martın 9-da Dayanıqlı İnkişaf üzrə Milli Əlaqələndirmə Şurası, İqtisadiyyat Nazirliyi və BMT-nın İnkişaf Proqramının birgə təşəbbüsü ilə “DİM İnvestor Xəritəsi”nin və İnvestisiya Ekosisteminin tədqiqatına dair tədbir keçirilib, investisiya imkanları təqdim olunub.

Tədbirdə çıxış edən iqtisadiyyat nazirinin müavini Sahib Məmmədov qlobal DİM üzrə öhdəliklərin həyata keçirilməsinin Azərbaycanda dövlət siyasətinin mühüm tərkib hissələrindən olduğunu vurğulayıb, ölkədə sosial, iqtisadi, ətraf mühit sahələrini əhatə edən dövlət proqramları, strategiya və tədbirlər planının DİM-lərin məqsəd və hədəflərinə inteqrasiya olunduğunu qeyd edib.

Nazir müavini dövlət, özəl sektor və beynəlxalq təşkilatlar arasında tərəfdaşlığın DİM-lərlə bağlı öhdəliklərin yerinə yetirilməsinə və “yaşıl iqtisadiyyat”a keçidə töhfə verəcəyini bildirib.

BMT-nin Özəl sektorun İnkişafı üzrə İstanbul Beynəlxalq Mərkəzinin direktor müavini Gülçin Salınqan DİM-ə nail olunmasında özəl sektorun rolunu, Dayanıqlı İnkişaf üzrə Milli Əlaqələndirmə Şurası ilə birgə həyata keçirilən əməkdaşlıq çərçivəsində Azərbaycanda investisiya mühitinə təsir edən faktorların araşdırıldığını diqqətə çatdırıb. Mərkəzin ekspertləri Funda Süzer və Yasemin Bitlis Azərbaycan üçün “DİM İnvestor Xəritəsi”nin və İnvestisiya Ekosistemi üzrə tədqiqatın ilkin nəticələri barədə təqdimatlarla çıxış ediblər.

Sonda tədbir iştirakçılarını maraqlandıran suallar cavablandırılıb.

VergiSığorta məbləğinin gəlirdən çıxılması VergiMəcburi dövlət sosial sığorta haqları üzrə borcların silinməsi VergiSadələşdirilmiş verginin ödəyicilərinə vergi güzəşti VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır?