Belarus Dövlət Universitetinin Beynəlxalq Münasibətlər fakültəsinin Beynəlxalq Araşdırmalar Mərkəzinin direktoru, iqtisadçı ekspert Oleq Leşenyuk “vergiler.az”a müsahibəsində Avropa ilə Asiya arasında yüklərin çatdırılma müddətinin əhəmiyyətli dərəcədə azaldılmasını nəzərdə tutan Transxəzər Beynəlxalq Nəqliyyat Dəhlizi (TİTC) layihəsində Belarusun rolundan danışıb.

Oleq Leşenyuk bildirib ki, Belarus milli nəqliyyat sisteminin qlobal nəqliyyat şəbəkəsinə inteqrasiyasında maraqlıdır ki, bu da ölkənin tranzit potensialının reallaşmasına töhfə verəcək. TİTC 8 ölkənin daşıyıcılarını və infrastrukturunu birləşdirən ciddi beynəlxalq layihədir. Beynəlxalq münasibətlərin qarışıqlıq şəraitində Şimali Avropa bazarlarına çıxmaq üçün Belarus ərazisindən tranzit yolu kimi istifadə etmək məsələsini nəzərdən keçirməyə dəyər.

“Hazırda sanksiyalar və Qərblə çətin münasibətlər fonunda Belarus TİTC ölkələri ilə əməkdaşlığı gücləndirmək və genişləndirməkdə maraqlıdır. Bu cür layihələr uzunmüddətli tərəfdaşlıq əlaqələrinin qurulması üçün etibarlı yoldur”, - deyə ekspert əlavə edib.