29 Yanvar 2023

VERGİLƏR

SOSİAL-İQTİSADİ ONLAYN QƏZET

Sahibkarlarla görüşlər keçirilib

Kiçik və Orta Biznesin İnkişafı Agentliyi (KOBİA) sorğular, sahəvi görüşlər və daxil olan müraciətlərin təhlili əsasında sahibkarların ehtiyaclarını və təkliflərini öyrənir. Agentliyin təşkilatçılığı və müvafiq dövlət qurumlarının iştirakı ilə Abşeron, Qax, Ağdam və İsmayıllıda sahibkarlarla görüşlər keçirilib.

Abşeron rayonunda ictimai-iaşə və xidmət sahəsində fəaliyyət göstərən sahibkarlarla keçirilmiş görüşdə onların qarşılaşdıqları çətinliklər və həlli yolları, maliyyə resurslarına çıxış, yeni biznesin qurulmasına dəstək və digər məsələlər müzakirə olunub.

İsmayıllı rayonunun Qalınçaq kəndində əkinçilik sahəsində fəaliyyət göstərən sahibkarlıq subyektlərinin çətinliklərinin öyrənilməsi məqsədilə keçirilmiş görüşdə fermerlərə aqrar sahəyə dövlət dəstəyi mexanizmləri, bu sahədə yeniliklər barədə məlumat verilib, sahibkarları maraqlandıran suallar cavablandırılıb.

Qax şəhərində isə turizm sahəsində fəaliyyət göstərən sahibkarlıq subyektləri ilə görüş keçirilib. 30-dan çox sahibkarın iştirak etdiyi görüşdə dövlət-sahibkar əməkdaşlığı platforması çərçivəsində biznes subyektlərinin çətinlikləri və ehtiyacları dinlənilib, onlar müvafiq sahədə qanunvericilik və dəstək mexanizmləri barədə məlumatlandırılıb.

Kənd təsərrüfatı sahəsində fəaliyyət göstərən qadın sahibkarın çətinliklərinin öyrənilməsi məqsədilə Ağdam rayonunda təşkil olunmuş görüşdə 20-yə yaxın sahibkarlıq subyekti iştirak edib. Aidiyyəti qurumların, o cümlədən İqtisadiyyat Nazirliyinin Yuxarı Qarabağ regional bölməsinin iştirakı ilə keçirilmiş görüşdə qadın sahibkarların inkişafı üçün müvafiq təlimlərə cəlb olunması, biznes subyektlərinin heyvandarlıq təsərrüfatının genişləndirilməsi üçün güzəştli kreditlərdən yararlanması, subsidiyaların alınması, aqrar sığorta və sahibkarların digər ehtiyaclarına dair müzakirələr aparılıb, onları maraqlandıran suallar cavablandırılıb.

İqtisadiyyatƏsas kapitala yönəldilmiş vəsaitlər artıb VergiXalis mənfəətin bölüşdürülməsi necə tənzimlənir? İqtisadiyyatSafiddin Jurayev: “Yeni beynəlxalq nəqliyyat dəhlizi Azərbaycanda və Özbəkistanda yeni bazarlar açacaq” Ekspert RəyiKənd təsərrüfatı məhsulu istehsalçısından mal aldıqda rəsmiləşdirmə və verginin hesablanması İqtisadiyyatİqtisadiyyat nazirinin birinci müavini Göyçayda vətəndaşları qəbul edəcək İqtisadiyyatSİF tərəfindən ötən il kiçik və orta həcmli layihələrə 104,2 milyon manat güzəştli kredit verilib VergiƏDV vaxtında ödənilmədikdə hansı sanksiya tətbiq olunur? VergiDövlət Vergi Xidmətinin Aparatına daxil olmuş faktiki şikayətlərin sayı 9% azalıb İqtisadiyyatÖtən il ÜDM-in tərkibində qeyri-neft-qaz sektoru üzrə əhəmiyyətli artım qeydə alınıb İqtisadiyyatİqtisadiyyat nazirinin vətəndaş qəbulunun vaxtı dəyişdirilib