17 May 2022

VERGİLƏR

SOSİAL-İQTİSADİ ONLAYN QƏZET

Cənub Qaz Dəhlizi ilə Avropa İttifaqına qaz ixracını artırmaq mümkündür

Artıq bir ildən çoxdur ki, Azərbaycan qazı Avropaya ixrac olunmağa başlayıb. Keçən bu müddət ərzində 10 milyard kubmetrə yaxın Azərbaycan qazı Avropa istehlakçılarına çatdırılıb.

Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili “vergiler.az”a açıqlamasında bildirib ki, Avropa İttifaqının üçüncü enerji paketinə görə, Avropaya qaz idxalının bir neçə mənbədən həyata keçirilməsi əsas hədəf kimi qəbul olunub: “Azərbaycan həm etibarlı tərəfdaş, həm də yeni qaz mənbəyi kimi bu sahədə öz effektiv rolunu oynamaqdadır. Ölkəmizin ixrac üçün kifayət qədər qaz ehtiyatları mövcuddur. Cənub Qaz Dəhlizi kəmərlərinin buraxılış gücünü artırmaqla Avropaya qaz ixracını artırmaq mümkündür. Qaz ixracı ölkəmizin valyuta mənbələrindən birinə çevrilməkdədir. İxracın artması iqtisadi cəhətdən daha çox mənfəət əldə etməyimizə imkan verəcək. Həm də bu gün qaz qiymətinin yüksək olması ölkəmizin imkanlarını xeyli artırır”.

Millət vəkilinin sözlərinə görə, ölkənin siyasi və iqtisadi müstəqilliyinin güclənməsində, etibarlı tərəfdaşlarının sayının artmasında, Azərbaycanın milli maraqlarının daha güclü qorunmasında, beynəlxalq aləmdə nüfuzunun güclənməsində enerji layihələrimizin, xüsusilə də qaz ixracının müstəsna rolu var.

T.Mirkişili hesab edir ki, həm regionda, həm də dünyada Azərbaycanın etibarlı və təmiz enerji təchizatçısı kimi rolu getdikcə daha da güclənir və bu, ölkəmizə yalnız müsbət siyasi və iqtisadi dividendlər gətirir.

VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb İqtisadiyyatMikayıl Cabbarov Səngəçal terminalına səfər edib MüsahibələrVasif Eyvazzadə: Azərbaycanda yaradıcı iqtisadiyyatın inkişafı üçün böyük potensial var MÜSAHİBƏ VergiDövlət Vergi Xidmətinin rəisi AHK İmpuls tədbirinin qonağı olub İqtisadiyyatKİV nümayəndələri 195-1 Çağrı Mərkəzi ilə tanış olublar REPORTAJ VergiVergi daxilolmalarının 68,1 faizi qeyri-neft-qaz sektorunun payına düşüb İqtisadiyyatƏmlak Xidmətləri Məkanında bir gün FOTOREPORTAJ İqtisadiyyatİstedadlarla karyera yolları arasında körpü MüsahibələrMehdi Babayev: Şəffaflıq istiqamətində vergi tətbiqləri vergi ödəmə mədəniyyətini formalaşdırıb MÜSAHİBƏ VergiDövlət Vergi Xidmətinin rəisi bank sektorunun nümayəndələri ilə görüşüb