29 Mart 2024

VERGİLƏR

SOSİAL-İQTİSADİ ONLAYN QƏZET

Azərbaycanda xarici investisiyalar üçün bütün zəruri elementlər mövcuddur

ABŞ-da və beynəlxalq aləmdə tanınan qlobal investorların iştirakı ilə "VALUExCaspian Azerbaijan" investisiya konfransı Bakıda işə başlayıb.

Tədbirin təşkilatçısı olan "Robotti Qlobal Fund"un rəhbəri Ayzek Şvarts konfrans iştirakçılarının Azərbaycanın əlverişli coğrafi və geosiyasi yerləşməsini və Yeni İpək Yolu üzərində mərkəzi qovşaq rolunu nəzərə alaraq, ölkəmizdə xarici investisiyalar üçün bütün zəruri elementlərin olduğunu dərk etdiklərini və bu səbəbdən səbrsizliklə buradakı şərtlərlə tanış olmaq niyyətində olduqlarını vurğulayıb. O, dünya iqtisadiyyatında artımın ümumi zəifləməsi fonunda qlobal investorların yeni bazarlara nəzər saldıqlarını və bu anlamda Azərbaycanın gözəl nümunə olduğunu bildirib.

Tədbiri açan İqtisadi İslahatların Təhlili və Kommunikasiya Mərkəzinin icraçı direktoru, iqtisad elmləri doktoru Vüsal Qasımlı bildirib ki, Azərbaycanda əlverişli biznes mühiti, modern infrastruktur, dövlət təşviqləri, özəlləşdirmə perspektivləri və aydın strateji xəttin olması sərmayə cəlbi üçün əlverişli zəmin yaradır: "Azərbaycanda ictimai-siyasi, sosial və makroiqtisadi sabitlik, Şərq-Qərb və Şimal-Cənub dəhlizlərinin kəsişməsində əlverişli mövqe, ucuz və kvalifikasiyalı əmək qüvvəsi və bazarlara azad ticarət sazişləri ilə çıxış imkanları mövcuddur. Beynəlxalq Valyuta Fondunun proqnozlarına görə, Azərbaycanda iqtisadi artım tempi MDB məkanından 1,5 dəfə çox olmaqla dayanıqlığını qoruyacaq. Artan iqtisadi aktivlik, genişlənən bazar, davamlı iqtisadi artım, tədiyyə və icmal balanslarının dayanıqlığı və post-neft dövrünün artım drayverlərinin müəyyənləşməsi investorlar üçün müsbət siqnallardır. Ən əsası isə Prezident İlham Əliyev tərəfindən ölkədə iqtisadi inkişafın məhz özəl sərmayələrin cəlbi ilə təmin edilməsi prioritet kimi müəyyənləşdirilib. Son 15 ildə 250 milyard ABŞ dolları sərmayə cəlb edən və hər nəfərə düşən sərmayə həcminə görə regionun lideri olan Azərbaycanda indiyədək xarici investorlar hər hansı ciddi çətinliklə üzləşməyib. Azərbaycanda davam edən struktur, biznes, məhkəmə-hüquq, səhiyyə və təhsil islahatları, infrastrukturun modernləşdirilməsi və xarici sərmayələr üçün açıq qapı siyasəti investorların maraqlarına xidmət edir".

Konfransda ABŞ, Türkiyə, Böyük Britaniya, Çin, İsrail, Avstriya, BƏƏ, Qazaxıstan və digər ölkələrdən olan sərmayədarlar Azərbaycanda əlverişli biznes mühitindən yararlanaraq investisiya qoyuluşlarını müzakirə edəcəklər. "VALUExCaspian Azerbaijan" investisiya konfransının ənənəvi formata çevrilməsi planlaşdırılır.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb