29 Noyabr 2022

VERGİLƏR

SOSİAL-İQTİSADİ ONLAYN QƏZET

Pirallahı Sənaye Parkına mediatur təşkil edilib

Fevralın 24-də İqtisadiyyat Nazirliyinin təşkilatçılığı ilə Pirallahı Sənaye Parkına mediatur təşkil edilib.

Media nümayəndələrinə Pirallahı Sənaye Parkı və burada görülmüş işlər barədə məlumat verilib. Bildirilib ki, Pirallahı Sənaye Parkı əczaçılıq sənayesinin inkişaf etdirilməsi məqsədi ilə Azərbaycan Respublikası Prezidentinin 2016-cı il 14 sentyabr tarixli Sərəncamı ilə yaradılıb. Ümumi ərazisi 30 hektar olan Pirallahı Sənaye Parkında hazırda 4 sahibkarlıq subyekti rezident kimi qeydiyyatdan keçib ki, bunlardan da 2-si artıq fəaliyyət göstərir. Rezidentlər tərəfindən Sənaye Parkına 37 milyon manatadək investisiya yatırılıb, 100-dən çox daimi iş yeri yaradılıb. Bundan başqa, mövcud layihələr üzrə əlavə olaraq 12 milyon manat investisiyanın qoyulması, 200-dən çox iş yerinin yaradılması nəzərdə tutulur.

İndiyədək Sənaye Parkının rezidentləri tərəfindən 14 milyon manatdan çox məhsul istehsal edilib.

KİV nümayəndələri Pirallahı Sənaye Parkının rezidenti, dərman vasitələrinin istehsalı üzrə ixtisaslaşmış Azərbaycan-Rusiya birgə müəssisəsi “R-Pharm” MMC ilə tanış olublar.

Qeyd edilib ki, “R-Pharm” MMC 2018-ci ildə Pirallahı Sənaye Parkının rezidenti kimi qeydiyyata alınıb və 2019-cu il dekabrında müəssisənin açılışı olub.

Müəssisə Avropa ölkələrinin aparıcı şirkətlərinin müasir avadanlıq və texnologiyaları ilə təchiz olunub. İnvestisiya dəyəri 16 milyon ABŞ dolları olan müəssisənin illik istehsal gücü 250 milyon ədəd həb və kapsul təşkil edir. Hazırda müəssisədə 40 nəfərdən çox işçi çalışır.

Bu yaxınlarda “R-Pharm” MMC tərəfindən şəkərli diabetin fəsadlarının profilaktikası üçün nəzərdə tutulan Diabeton® MR (qliklazid) preparatının istehsalına başlanılıb. Artıq müəssisə tərəfindən 200 min qutu dərman preparatı istehsal edilib. Cari ilin I rübünün sonunadək müəssisədə daha 300 min qutu Diabeton® MR preparatının istehsalı planlaşdırılır.

Gələcəkdə müəssisədə onkoloji, HİV/QİÇS-in, qan və sinir sistemi, ürək-damar sistemi və s. xəstəliklərinin müalicəsinə yönəlmiş dərman preparatlarının istehsalı planlaşdırılır.

“R-Pharm” MMC-də istehsal prosesi Beynəlxalq GMP standartlarına uyğun şəkildə həyata keçirilir. “R-Pharm” MMC ölkəmizdə GMP sertifikatını alan ilk əczaçılıq müəssisəsidir.

VergiƏDV-nin bir hissəsinin qaytarılması üzrə portal istifadəyə verilib Vergiİstehlakçıya kassa çekinin dublikatı verilməlidirmi? İqtisadiyyatHacıqabul Sənaye Məhəlləsində rezidentlərin sayı 13-ə çatıb VergiDVX-nin rəsmi saytında istifadəçilərin rahatlığı üçün yeni bölmələr yaradılır VergiBöyük Britaniya Vergi və Gömrük Administrasiyasının təlimlərinin növbəti mərhələsi başlayıb Vergi“Vergi və hesabatlılıq” işçi qrupunun iclası keçirilib VergiLizinq əməliyyatları üzrə borc ödənişləri hansı formada həyata keçirilir? VergiVergi ödəyiciləri üçün xidmətlərdə yeni rəqəmsal həllər hazırlanır VideoBiznes sahəsindəki menecerlər “Almaniya-Azərbaycan Birgə Proqramı”ndan necə yararlana bilərlər? VİDEO VideoVergi ödəyicisinin digər vergi ödəyicilərinə e-kargüzarlıq vasitəsilə sənəd göndərilməsi qaydalarını əks etdirən videotəlimat VİDEO