Ötən illərdə “AzerGold” tərəfindən aparılmış əlavə tədqiqat, kəşfiyyat və mədənin optimizasiyası işləri nəticəsində “Çovdar” yatağının oksid mərhələsi üzrə satıla biləcək qızıl ehtiyatı 179 min unsiyadan 212 min unsiyayadək artırılıb.

Bu barədə “AzerGold”un İdarə Heyətinin sədri Zakir İbrahimov fevralın 7-də ötən ilin yekunlarına və qarşıda duran vəzifələrə həsr olunmuş mətbuat konfransında bildirib.

“Çovdar” yatağının oksid mərhələsi üzrə istismarı 2021-ci ilin aprel ayında tamamlanıb. Eyni zamanda, hesabat ilində “Çovdar” yatağının sulfid mərhələsi üzrə oksid filizlərin istismarı nəticəsində 28 min unsiya hasilat işləri həyata keçirilir”, - deyə Z.İbrahimov qeyd edib.