11 İyul 2025

VERGİLƏR

SOSİAL-İQTİSADİ ONLAYN QƏZET

Qarabağda sahibkarlıq fəaliyyətinin həyata keçirilməsi ilə bağlı 800-dən çox müraciət daxil olub

İşğaldan azad edilmiş ərazilərdə sahibkarlıq fəaliyyətinin həyata keçirilməsi ilə bağlı 800-dən çox müraciət daxil olub.

Bu barədə iqtisadiyyat nazirinin müavini Niyazi Səfərov deyib.

O qeyd edib ki, işğaldan azad edilmiş ərazilərdə potensial investorlara təqdim edilməsi məqsədilə müxtəlif istiqamətləri əhatə edən nümunəvi layihələr hazırlanıb və 3 dildə olmaqla (Azərbaycan, rus və ingilis) kataloq halına salınıb. Bununla yanaşı, yeni nümunəvi layihələr üzərində iş aparılır.

İşğaldan azad edilmiş ərazilərdə sahibkarlıq fəaliyyətinin həyata keçirilməsi ilə bağlı müraciətlərin qəbulu, təhlili, sahibkarların məlumatlandırılması, müvafiq tövsiyələrin verilməsi və müraciətlərin aidiyyəti olaraq yönləndirilməsi işləri həyata keçirilir. İşğaldan azad edilmiş ərazilərdə sahibkarlıq fəaliyyətinin həyata keçirilməsi ilə bağlı 800-dən çox müraciət daxil olub. İnvestisiya layihələrinin prioritetliyi təhlil edilir, potensial layihələr müəyyənləşdirilir və informasiya bazasına daxil edilir.

“İşğaldan azad edilmiş ərazilərin zəngin sosial-iqtisadi imkanlarından səmərəli istifadə edilməklə iqtisadi artımın yeni “hərəkətverici qüvvələri”nin müəyyənləşdirilməsi, dayanıqlı məskunlaşmanın təmin edilməsi, iqtisadi canlanmanın sürətləndirilməsi üçün dövlət-özəl tərəfdaşlığının effektiv fəaliyyəti və zəruri stimullaşdırıcı mexanizmlərin tətbiqi müstəsna rola malikdir. Bu istiqamətdə ölkə qarşısında duran əsas məqsədlər uzunmüddətli inkişaf prioritetlərinə uyğun iqtisadi aktivliyin təşviqini, münbit biznes mühitinin formalaşdırılmasını və müasir çağırışlarla vəhdətdə olacaq iqtisadi islahatlar çərçivəsinin yaradılmasını zəruri edib. Diqqətəlayiq bir məqam da ondan ibarətdir ki, işğaldan azad edilmiş ərazilərdə bərpa və yenidənqurma işləri çərçivəsində “ağıllı” texnologiyaların, xüsusilə enerji səmərəliliyi üzrə innovativ həllərin tətbiqinə diqqət yetirməklə bərpa olunan enerji mənbələrinə əsaslanan layihələr icra ediləcək. Sonrakı mərhələdə isə dairəvi iqtisadiyyata əsaslanan “ağıllı” biznes modelləri yaradılacaq, “yaşıl” maliyyələşdirmə və enerji sahəsində müasir idarəetmə alətləri tətbiq ediləcək”, - deyə N.Səfərov diqqətə çatdırıb.

VergiƏvəzləşdirilməyən ƏDV məbləği gəlirdən çıxıla bilərmi? Vergiİdxal ediləcək mallar barədə məlumat forması vergi orqanına təqdim olunmalıdırmı? VergiDublyaj fəaliyyətindən əldə edilən gəlirlərə vergi güzəşti tətbiq olunurmu? VergiVergi orqanı obyektin girişində uçotla bağlı məlumatın olmamasına görə sahibkarı cərimə edə bilərmi? VergiXarici ölkə vətəndaşının məcburi dövlət sosial sığorta haqlarına cəlb edilməsi VergiKənd təsərrüfatı məhsullarına görə ödənilən ƏDV məbləğləri necə hesablanır? Vergiİşçinin vəfatı ilə əlaqədar ödənilən müavinətdən vergi tutulurmu? VergiSənaye məhəlləsinin rezidentlərinə hansı vergi güzəştləri tətbiq olunur? VergiZərgərlik məmulatlarının nağd satışına görə cərimə nə qədərdir? VergiKarqo şirkətləri üçün tələblərdə hansı dəyişiklik edilib?