8 Dekabr 2022

VERGİLƏR

SOSİAL-İQTİSADİ ONLAYN QƏZET

Yanvarda KOB inkişafı mərkəzlərinin xidmətlərindən 2 mindən çox sahibkar yararlanıb

Cari ilin yanvar ayında KOB inkişafı mərkəzləri (KOBİM-lər) tərəfindən mikro, kiçik və orta biznes (KOB) subyektlərinin müraciət və ehtiyacları nəzərə alınmaqla müxtəlif mövzularda 40 təlim təşkil edilib.
Kiçik və Orta Biznesin İnkişafı

Agentliyindən (KOBİA) bildirilib ki, maliyyə, vergi, ixrac, sığorta, satış texnologiyaları, insan resurslarının idarə olunması, françayzinq, sahibkarlıqla bağlı qanunvericilik və sair istiqamətləri əhatə edən təlimlərdən 2 mindən çox sahibkar və biznesə başlamaq istəyənlər yararlanıb.

Ötən ay KOBİM-lərin peşəkar ekspertləri tərəfindən sahibkarlara müxtəlif sahələrdə biznes planların hazırlanması, xidməti müqavilələrin tərtib olunması, məhsulların xarici bazarlara çıxarılması, startap ideyasının həyata keçirilməsi, fermer təsərrüfatının qurulması və sair istiqamətlərdə məsləhət xidmətləri göstərilib.

Yanvar ayında KOB subyektləri daha çox vergi, ixrac və aqrar sahə ilə bağlı təlim və məsləhət xidmətləri üçün KOB inkişafı mərkəzlərinə müraciət ediblər. KOBİM-lərin xidmətlərindən istifadə etmiş sahibkarlıq subyektləri biznes layihələrinin reallaşdırılması və sahibkarlıq fəaliyyətlərinin inkişaf etdirilməsi üçün maliyyə resurslarına çıxışla bağlı məlumatlandırılıb, dövlətin güzəştli kreditləri və digər maliyyə dəstəyi mexanizmlərindən yararlanmaları üçün müvafiq qurumlarla əlaqələndirilib. Eyni zamanda, KOBİA və Dövlət Məşğulluq Agentliyi arasındakı əməkdaşlıq çərçivəsində öz təsərrüfatını qurmaq istəyən potensial sahibkarlar (mikro biznes) müvafiq texnika və avadanlıqlarla təmin olunmaları üçün özünüməşğulluq proqramı ilə əlaqələndirilib, bu istiqamətdə onlara müvafiq xidmətlər (informasiya, məsləhət, elektron sistemdə qeydiyyat və sair) göstərilib.

KOBİA-nın hazırda Bakı, Sumqayıt, Xaçmaz, Şəki və Yevlax şəhərlərində 5 KOB inkişafı mərkəzi fəaliyyət göstərir. Bu mərkəzlərin təcrübəli və peşəkar ekspertləri tərəfindən sahibkarlıq fəaliyyəti ilə bağlı təlim və seminarlar keçirilir, məsləhət xidmətləri göstərilir, KOB-ların şəbəkələşməsinə, beynəlxalq proqramlarda iştirakına, maliyyə resurslarına çıxışına və sair dəstək verilir. KOBİM-lər tərəfindən göstərilən bütün xidmətlər ödənişsizdir. Bu xidmətlərdən istifadə etmək üçün KOB subyektləri “www.kobim.az” saytı vasitəsilə müraciət edə bilərlər.

VergiVergi ödəyicisi hansı halda sadələşdirilmiş vergi metodunu tətbiq edə bilər? İqtisadiyyatKənd təsərrüfatı məhsullarının emalı üçün 73 layihəyə güzəştli kredit ayrılıb VergiMüəssisələr vergi hesabatları ilə yanaşı, mühasibat uçotunun da hesabatlarını təqdim etməlidirlər İqtisadiyyatAzərbaycan və Dağıstan arasında iqtisadi əlaqələrin daha da genişləndirilməsi müzakirə edilib VergiVÖEN almaq üçün hansı şərtlər qoyulub? VergiƏDV-dən azad olunan kənd təsərrüfatı təyinatlı avadanlıqların və texnikaların siyahısı təsdiq edilib MəqalələrVergi orqanlarının fəaliyyətinə etimadı yüksəldən mexanizmlər tətbiq edilir VergiFiziki şəxslərin aylıq gəlirindən gəlir vergisi necə tutulur? İqtisadiyyatSahibkarlıq subyektinə güzəştli kredit verilib İqtisadiyyatİqtisadiyyat Nazirliyində növbəti könüllü fəaliyyəti təşkil ediləcək