19 Avqust 2022

VERGİLƏR

SOSİAL-İQTİSADİ ONLAYN QƏZET

KİV nümayəndələri Sumqayıt Kimya Sənaye Parkında istehsal prosesi ilə tanış olublar

İqtisadiyyat Nazirliyi KİV nümayəndələri üçün Sumqayıt Kimya Sənaye Parkına infotur təşkil edib.

“Sumqayıt Kimya Parkı” MMC-nin direktoru Nazim Talıbov media nümayəndələrinə Azərbaycanda fəaliyyət göstərən sənaye parkları, o cümlədən Sumqayıt Kimya Sənaye Parkı və onun rezidentləri barədə məlumat verib. Bildirilib ki, Cənubi Qafqazın ən böyük sənaye parkı olan Sumqayıt Kimya Sənaye Parkının hazırda 23 rezidenti var. Rezidentlər tərəfindən Sənaye Parkına indiyədək 2,9 milyard ABŞ dolları həcmində investisiya yatırılıb və növbəti mərhələdə daha 245 milyon ABŞ dollarından çox investisiyanın yatırılması nəzərdə tutulur.

Sumqayıt Kimya Sənaye Parkının rezidentləri tərəfindən istehsal olunan məhsullar daxili bazara çıxarılmaqla yanaşı, bir sıra ölkələrə də ixrac olunur. Ümumilikdə Sənaye Parkında istehsal olunmuş 1,9 milyard manatdan çox dəyərdə məhsulun satışı həyata keçirilib ki, bunun da təqribən 32%-i ixrac edilib.

KİV nümayəndələri Sumqayıt Kimya Sənaye Parkının ilk rezidenti olan “Azertexnolayn” MMC-nin Texniki adadanlıqlar zavodunda istehsal prosesi ilə də tanış olublar. “Azertexnolayn” MMC-nin direktoru Tofiq Məmmədov bildirib ki, bu yaxınlarda müəssisədə daha bir məhsulun - avtodayanacaqlarda istifadə olunan çuqun töküm yağış barmaqlıqların istehsalına başlanıb. Yeni məhsul Rusiya Federasiyasının sifarişi ilə istehsal olunur. Media təmsilçilərinə məlumat verilib ki, “Azertexnolayn” MMC-nin hazırda Sənaye Parkında Texniki avadanlıqlar zavodu ilə yanaşı, daha 2 müəssisəsi - Polad boru və Polietilen məmulatları zavodları da fəaliyyət göstərir. Bu zavodlarda qabaqcıl texnologiyalar əsasında müxtəlif diametrli polad borular, yüksək təzyiqə davamlı hidrotexniki avadanlıqlar, xüsusi təyinatlı müxtəlif diametrli polietilen borular istehsal edilir. Müəssisələrdə indiyədək 383 milyon manatdan çox məhsul istehsal edilib və 95 milyon manatlıq hissəsi ixrac olunub.

Sumqayıt Kimya Sənaye Parkının və “Azertexnolayn” MMC-nin rəhbərləri KİV nümayəndələrini maraqlandıran sualları cavablandırıblar.

VergiMDB dövlətləri Vergi (maliyyə) tədqiqatları orqanları rəhbərlərinin Koordinasiya Şurasının iclası keçirilib Ekspert RəyiVergi ödəyicisinin təsərrüfat subyekti hesab edilməyən mülkü vergi uçotuna alınmalıdırmı? VergiRezident müəssisə tərəfindən qeyri-rezidentə ödənilən cərimədən vergi tutulurmu? Ekspert RəyiƏmək qabiliyyətinin müvəqqəti itirilməsi və hamiləliyə görə müavinətlər VergiVergidən azad olunan gəlirlərin bəyan edilməməsinə görə maliyyə sanksiyası tətbiq olunurmu? VergiDəyişiklikdən sonra faiz gəlirlərindən ödəmə mənbəyində vergi necə hesablanacaq? VergiVergi daxilolmaları 73,2 faiz artıb Ekspert Rəyiİşçilərin nahar fasiləsi fərqli vaxtlarda və fərqli müddətlərdə ola bilərmi? VergiQeyri-rezidentin yerli müəssisəyə ödədiyi borc Azərbaycan mənbəyindən əldə olunmuş gəlir hesab edilirmi? VergiMikro sahibkarlıq subyektlərində gəlirin müəyyən edilməsi