- Vergi ödəyiciləri şəxsi elektron kabinetlərinə daxil olarkən yalnız gücləndirilmiş elektron imzadan istifadə edə biləcəklər.

- Vergi ödəyiciləri yanvarın 1-dək “Asan İmza” və ya "E-imza" əldə etməlidirlər.

- Qanunsuz gəlir əldə etmək məqsədilə vətəndaşların adlarına müxtəlif hüquqi şəxslərin təsis edilməsi ilə bağlı hallara rast gəlinir.

2024-cü il yanvarın 1-dən etibarən vergi ödəyiciləri yalnız gücləndirilmiş elektron imza vasitəsilə şəxsi elektron kabinetlərinə daxil ola biləcəklər. Yeniliyin məqsədi ödəyicilərin fərdi və sahibkarlıq fəaliyyətləri ilə bağlı məlumatlarının təhlükəsizliyi və məxfiliyini daha etibarlı qorumaqdır. Mövzu ilə bağlı “Biznes mühiti”nin suallarını Dövlət Vergi Xidmətinin şöbə rəisi Məmməd Quliyev cavablandırır.