ATV ilə Vergilər Nazirliyinin birgə layihəsi olan "İqtisadi zona" proqramının növbəti buraxılışında pensiyaların, təqaüdlərin və maaşların artırılması ilə bağlı təkliflər paketi, muzdla işləyən işçilərin sahələr üzrə tərkibi, kənd təsərrüfatının sığorta standartlarına uyğunlaşdırılması sahəsində görülən işlər, problemli kreditlər üzrə kompensasiyaların verilməsi, yeni biznesə başlayanlara hüquqi dəstək barədə süjetlər efirə verilib.

Verilişin qonağı – Vergilər nazirinin müşaviri, vergi ombudsmanı Elçin Məmmədov ölkəmizdə yeni yaradılmış Vergi Ombudsmanı İnstitutu, onun yaranma zərurəti və gələcək fəaliyyət istiqamətləri ilə bağlı suallara aydınlıq gətirib.