24 Aprel 2024

VERGİLƏR

SOSİAL-İQTİSADİ ONLAYN QƏZET

Qanuna əməl edən və əməl etməyən vergi ödəyicilərinə yanaşma fərqlidir

Azərbaycanın vergi sistemində tətbiqinə başlanılan yeni yanaşmalar ictimaiyyətin diqqət mərkəzindədir. Vergilər Nazirliyinin Vergi siyasəti departamentinin baş direktoru Samirə Musayeva bu yanaşmaların məqsəd və məramlarını şərh edərkən deyib: "Səmərəli vergi inzibatçılığı həm də sərt vergi inzibatçılığıdır. Çünki vergi ödəyiciləri üçün səmərəli vergi mühiti yaratmaq yalnız vergi yükünün azaldılması, yaxud təşviqlərin təmin edilməsi deyil, həm də bazarda ədalətsiz rəqabətə gətirib çıxaran qanunsuz fəaliyyətlərlə, real iqtisadi mahiyyətdən kənar əqdlər bağlamaqla bazarda hansısa üstün mövqe tutan sahibkarlarla ciddi mübarizənin aparılmasıdır". S.Musayevanın sözlərinə görə, ötən ildən vergi sistemində həyata keçirilən islahatların, Vergi Məcəlləsinə edilən dəyişikliyin əsas məqsədi iqtisadi inkişafın hərəkətverici qüvvəsi olan kiçik və orta sahibkarlığın normal fəaliyyət göstərə bilməsi üçün əlverişli mühit yaratmaq, "kölgə iqtisadiyyatı"nın azaldılmasına nail olmaqdır.

Qanunvericiliyin tələblərini pozan vergi ödəyicilərinə qarşı sərt və
operativ nəzarət tədbirləri həyata keçiriləcək

Qeyd edilib ki, "kölgə iqtisadiyyatı"nın azaldılması üçün sahibkarlıq fəaliyyətinin stimullaşdırılması istiqamətində mühüm tədbirlər görülür və işçiləri qanunsuz yollarla işə cəlb edən sahibkarlara qarşı nəzarət tədbirləri sərtləşdirilib. Bu istiqamətdə tarazlaşdırılmış fəaliyyət prinsipləri əsas götürülür: "Buraya qanunun tələblərinə əməl edən, qanunla müəyyən olunan vergiləri ödəyən sahibkarların təşviq edilməsi, onların vergi yükünün aşağı salınması, qarşılıqlı münasibətlərin daha çox partnyorluq müstəvisində qurulması və digər məsələlər daxildir. Qanunvericiliyin tələblərini pozan vergi ödəyicilərinə qarşı isə sərt və operativ nəzarət tədbirləri həyata keçiriləcək. Vergi sistemində yanaşmaların dəyişməsinin məğzi də odur ki, qanuna əməl edən və əməl etməyən vergi ödəyicilərinə fərqli yanaşma olmalıdır. Xidmətlər ünvanlı göstərilməli və vergi ödəyicilərinə tələblər də onların iqtisadi fəaliyyətlərindən və tələbatından asılı olaraq dəyişməlidir. Bəzi kateqoriyalı vergi ödəyicilərinin iqtisadi fəaliyyətləri ilə bağlı qanunvericilik təşəbbüslərində daha çox işlər görülməlidir".

Elxan SALAHOV

VergiDividendlərə tətbiq edilən vergi güzəşti ilkin emissiyadan sonra öz aralarında alğı-satqı edən fiziki şəxslərə aiddirmi? VergiMikro sahibkarlıq subyektlərinə hansı güzəşt tətbiq edilir? Vergi“Vergi və hesabatlılıq” işçi qrupunun videokonfrans formatında iclası keçiriləcək VergiNaxçıvanda 1,5 mindən çox yeni vergi ödəyicisi qeydiyyata alınıb VergiMüharibə veteranı adı almış fiziki şəxslərə hansı vergi güzəşti tətbiq olunur? VergiƏDV-nin müvafiq hissəsi geri qaytarılmadıqda nə etməli? VergiOnlayn ticarətlə məşğul olan fiziki şəxsin hansı vergi öhdəlikləri yaranır? VergiYeni nəsil NKA-lar vasitəsilə dövriyyə 5,3 mlrd. manatdan çox olub VergiMənzil alınarkən ƏDV-nin geri qaytarılması bütün MTK-lara şamil olunur? VergiHansı vergi ödəyiciləri sadələşdirilmiş verginin ödəyicisi ola bilməz?