22 Oktyabr 2020

VERGİLƏR

SOSİAL-İQTİSADİ ONLAYN QƏZET

Malların təqdim edilməsi

Bina tikintisi fəaliyyəti ilə məşğul olan şəxs tikinti-quraşdırma işləri davam edən binadan mənzilin vətəndaşa satılması ilə bağlı müqavilə bağlayıb, lakin həmin müqavilə notariat qaydasında təsdiq edilməyib. Bu halda, vətəndaşla bina tikintisini həyata keçirən müəssisə arasında müqavilənin bağlanma tarixi mənzilin vətəndaşa təqdim edildiyi vaxt sayılırmı?

Bu suala cavab olaraq Vergilər Nazirliyindən bildirilib ki, 1 yanvar 2020-ci il tarixdən Vergi Məcəlləsində edilmiş dəyişikliyə əsasən, bina tikintisi fəaliyyəti ilə məşğul olan şəxslər tərəfindən yaşayış və qeyri-yaşayış sahələrinin notarial qaydada təsdiq edilməklə, habelə notarial qaydada təsdiq olunmadan bağlanmış müqavilələr üzrə, həmçinin mənzil-tikinti kooperativi üzvlərinin ümumi yığıncağının qərarı ilə özgəninkiləşdirilməsi malların təqdim edilməsi sayılır. Buna əsasən, notarial qaydada təsdiq edilmədən vətəndaşla bina tikintisi fəaliyyəti ilə məşğul olan şəxs arasında müqavilənin bağlanması tarixi mənzilin təq dim olunma vaxtı hesab edilir.