2 Oktyabr 2023

VERGİLƏR

SOSİAL-İQTİSADİ ONLAYN QƏZET

Hüquqi şəxslərin qeydiyyatı asanlaşacaq

Ələkbər Məmmədov: e-qeydiyyat vaxt itkisini və xərcləri azaldır

Cəmiyyətimizdə maraq doğuran ciddi məsələlərdən biri biznes mühitinin yaxşılaşdırılması ilə bağlı görülən tədbirlərdir. Vergilər Nazirliyinin Dövlət qeydiyyatı və uçota nəzarət departamentinin baş direktoru Ələkbər Məmmədov Vergi Məcəlləsinə və digər qanunvericilik aktlarına dəyişiklikləri şərh edərkən bildirib ki, biznes mühitinin yaxşılaşmasına təsir edən amillərdən biri biznesə başlama prosedurlarının sadələşdirilməsidir: "Ölkəmizdə davamlı olaraq həyata keçirilən biznesə başlama prosedurlarının sadələşdirilməsi ilə bağlı islahatların nəticəsi olaraq Azərbaycan "Doing Business 2019" hesabatında "Biznesə başlama" indeksi üzrə 9-cu yerə yüksəlib. Hazırda biznes mühitinin daha da yaxşılaşdırılması ilə bağlı islahatlar davam etdirilir".

Ə.Məmmədov qeyd edib ki, bu gün hüquqi şəxslərin dövlət qeydiyyatı proseduru "bir pəncərə" sistemi ilə həm elektron formada, həm də kağız daşıyıcıda həyata keçirilir: "2018-ci ildə hüquqi şəxslərin 70 faizi elektron qaydada qeydiyyata alınıb. Hazırda hüquqi şəxslərin qeydiyyatının daha da asanlaşması üçün əlverişli mexanizm işə salınıb. Ötən ilin sonlarında Vergi Məcəlləsinə, "Hüquqi şəxslərin dövlət reyestri haqqında" Qanuna edilmiş dəyişikliklər hüquqi şəxslərin dövlət qeydiyyatı prosedurunun daha da yaxşılaşmasına imkan verəcək. Ötən ilə qədər hüquqi şəxslərin ünvanlarını təsdiq edən notarial sənəd tələb olunurdusa, artıq həmin sənəd siyahıdan çıxarılıb və hazırda sadəcə ünvanı təsdiq edən məlumat tələb olunur".
Qeyd edilib ki, yeni ildən bu sahədə ən mühüm tədbirlərdən biri hüquqi şəxsi təsis edənlərin və təmsilçinin həm gücləndirilmiş imza ilə, həm də fin-kodla təmin olunmasıdır: "Bu yeniliklər hüquqi şəxslərin elektron kabinetə daxil olaraq asan və rahat şəkildə qeydiyyata alınmasına şərait yaradır və həm vaxt itkisini, həm də xərcləri azaldır".

VergiFrilanser kimi çalışan vergi ödəyicisinin hansı öhdəlikləri yaranır? VergiÖdənişin nağd qəbuluna görə maliyyə sanksiyası hansı məbləğə tətbiq olunur? İqtisadiyyatAYİB Azərbaycanda iqtisadi artım proqnozlaşdırır SosialMəcburi işburaxma dövrü üçün əməkhaqqı məbləğinin hesablanması VergiTexnologiyalar parkının rezidentinin əməkdaşlarına hansı vergi güzəşti tətbiq olunur? Vergiİctimai iaşə xidməti göstərən müəssisədə ƏDV-nin geri qaytarılması necə aparılır? İqtisadiyyatYenilənmiş 5 qəpiklik metal pul nişanı tədavülə buraxılıb Vergi20 Yanvar şəhidinin ailə üzvlərinin hansı vergi güzəşti mövcuddur? Vergiİdxalı əvəz edən mal istehsalçıları hansı vergilərdən azaddır? MüsahibələrMahmud Ul-Həssan Xan: “Pakistan şirkətlərinin Azərbaycan iqtisadiyyatına sərmayə qoymaq üçün böyük imkanları var” MÜSAHİBƏ