Xəbər verdiyimiz kimi, Prezident İlham Əliyev Vergi Məcəlləsinə dəyişikliklə bağlı qanunu təsdiqləyib. Dəyişikliyə əsasən, Vergi Məcəlləsinin 164.1.34-cü maddəsində "idxalı və satışı" sözləri ", habelə siyahısı müvafiq icra hakimiyyəti orqanının müəyyən etdiyi orqan (qurum) tərəfindən təsdiq olunmuş kənd təsərrüfatı texnikasının ehtiyat hissələrinin istehsalı, idxalı və satışı" sözləri ilə əvəz edilib. Beləliklə, Məcəlləyə edilmiş dəyişikliyə əsasən, siyahısı müvafiq icra hakimiyyəti orqanının müəyyən etdiyi orqan (qurum) tərəfindən təsdiq olunmuş kənd təsərrüfatı texnikasının ehtiyat hissələrinin istehsalı, idxalı və satışı ƏDV-dən azad edilib.