23 Noyabr 2026
SOSİAL-İQTİSADİ ONLAYN QƏZET
“Yay Təcrübə Proqramı”nın qrup tapşırıqları mərhələsi keçirilib

“Yay Təcrübə Proqramı”nın qrup tapşırıqları mərhələsi keçirilib

İqtisadiyyat Nazirliyi yanında Dövlət Vergi Xidməti (DVX) tərəfindən tələbələrin bilik və bacarıqlarının, eləcə də şəxsi keyfiyyətlərinin inkişafına dəstək məqsədilə keçirilməsi nəzərdə tutulan növbəti Yay Təcrübə Proqramına hazırlıqlar davam edir. Proqramda iştirak edəcək tələbələrin seçilməsi üçün qrup tapşırıqları mərhələsi keçirilib. Bu mərhələyə ali təhsil müəssisələrinin 100-dən çox tələbəsi qatılıb.

Tələbələr onlara təqdim edilmiş mövzu üzərindən statistik göstəriciləri təhlil edərək təşkilatda qarşıya qoyulmuş tələblərin təmin olunması ilə bağlı Tədbirlər Planı hazırlayaraq təkliflər veriblər. Dövlət Vergi Xidmətinin müşahidəçiləri tərəfindən tələbələrin qrup şəklində bu mövzuda qarşıya qoyulan tapşırıq və məsələləri həll etmək bacarıqları yoxlanılıb.

Qrup tapşırıqları mərhələsi üzrə seçilmiş tələbələr 7 gün müddətində DVX-nin Şamaxı rayonunda yerləşən Tədris Mərkəzində təşkil ediləcək yay düşərgəsinə qoşulacaqlar. Orada onlara təcrübəli vergi xidməti əməkdaşları və kənar peşəkar təlimçilər tərəfindən vergi sahəsi və müxtəlif səriştələr üzrə təlimlər təşkil olunacaq. Daha sonra tələbələr DVX-nın Bakıda və regionlarda yerləşən struktur bölmələrində 8 həftə müddətində istehsalat təcrübəsində iştirak edəcəklər.

Qeyd edək ki, təşkil ediləcək Yay Təcrübə Proqramı sayca üçüncüdür. Layihə tələbələrin vergi sahəsində nəzəri və praktiki biliklər əldə etməsini, onların vergi xidmətinin işində praktiki iştirakını nəzərdə tutan, həmçinin gələcəkdə vergi orqanlarında karyera qurmaq imkanlarını dəstəkləyən təcrübə proqramıdır. 3-cü Yay Təcrübə Proqramının cari il iyul ayının 1-dən avqust ayının 30-dək keçirilməsi nəzərdə tutulur.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?