26 Fevral 2024

VERGİLƏR

SOSİAL-İQTİSADİ ONLAYN QƏZET

Vergi təşəbbüsləri və rəqəmsallaşma mövzuları üzrə təlim-seminar keçirilir

Dünya Bankı tərəfindən beynəlxalq və ölkədaxili vergi təşəbbüsləri və rəqəmsallaşma mövzuları üzrə İqtisadiyyat Nazirliyi yanında Dövlət Vergi Xidmətinin əməkdaşları üçün təlim-seminar təşkil olunub.

“Azərbaycanda vergi islahatları üzrə texniki yardım” mövzusunda icra olunan layihə çərçivəsində Bakıda səfərdə olan Dünya Bankının nümayəndə heyəti tərəfindən martın 9-10 tarixlərində beynəlxalq və ölkədaxili vergi təşəbbüsləri və rəqəmsallaşma mövzuları üzrə təlim-seminar keçirilir.

İqtisadiyyat Nazirliyi yanında Dövlət Vergi Xidmətindən “vergiler.az”a verilən məlumata görə, Dünya Bankının dövlət sektoru üzrə aparıcı mütəxəssis və tapşırıq qrupunun rəhbəri Raul Feliks Xunkera Varelanın başçılıq etdiyi nümayəndə heyətinin tərkibinə Bankın dövlət sektoru üzrə böyük mütəxəssisi və tapşırıq qrupunun həmrəhbəri Coui Qaleb, maliyyə idarəetməsi üzrə böyük mütəxəssis Tural Camalov, vergi orqanlarının elektron informasiya sistemləri üzrə məsləhətçisi Vladimir Kalderon, vergi məsələləri üzrə beynəlxalq məsləhətçi Xalid El-Korek və Kristian Lukas daxildir.

Missiyanın məqsədi, həmçinin, texniki yardım proqramı ilə nəzərdə tutulmuş işlərin davam etdirilməsidir. Səfər zamanı əməletmə risklərinin idarə olunması üzrə görülən işlər çərçivəsində vergi auditi funksiyasının təhlili və İKT sahəsində bu yaxınlarda tamamlanmış qiymətləndirmənin davamı olaraq, Dövlət Vergi Xidmətində rəqəmsallaşmanın cari statusu ilə bağlı müvafiq strukturlarla fikir mübadiləsi aparılıb.

Texniki Yardım İsveçrənin İqtisadi Məsələlər üzrə Dövlət Katibliyinin (SECO) Trast Fondunun qrantı hesabına maliyyələşdirilir və Azərbaycan hökumətinə vergi rejiminin beynəlxalq qabaqcıl təcrübələrə uyğun olaraq təkmilləşdirilməsində və vergi administrasiyasının müasirləşdirilməsində yardım etmək məqsədi daşıyır.

İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır?