22 Aprel 2024

VERGİLƏR

SOSİAL-İQTİSADİ ONLAYN QƏZET

Dövlət Vergi Xidmətinin rəisi Özbəkistan Dövlət Vergi Komitəsi sədrinin birinci müavini ilə görüşüb

İqtisadiyyat Nazirliyi yanında Dövlət Vergi Xidmətinin (DVX) rəisi Orxan Nəzərli ölkəmizdə səfərdə olan Özbəkistan Respublikasının İqtisadiyyat və Maliyyə Nazirliyi yanında Dövlət Vergi Komitəsinin sədrinin birinci müavini Mubin Mirzəyevin rəhbərlik etdiyi nümayəndə heyəti ilə görüşüb. Görüşdə iki ölkə arasında vergi sahəsində təcrübə mübadiləsi məsələləri müzakirə edilib.

DVX-dən "vergiler.az"a verilən məlumata görə, Orxan Nəzərli ölkələrimizin bənzər iqtisadi çağırışlarla üz-üzə olduğunu qeyd edib və Azərbaycanın vergi sistemində aparılan işlər, həyata keçirilən yeniliklər barədə Özbəkistan nümayəndə heyətini məlumatlandırıb. Görüş zamanı biznesin vergi öhdəlikləri sahəsinə nəzarət mexanizmləri, “kölgə iqtisadiyyatı”nın səviyyəsinin azaldılmasına yönəlmiş vergi alətlərinin tətbiqi, yüksək vergi riski olan müəssisələrə tətbiq edilən vergi nəzarəti tədbirləri, vergidən yayınmanın ümumi sxemlərinin müəyyən olunması və aradan qaldırılması sahəsində təcrübə mübadiləsinin aparılması imkanları qeyd edilib.

Tərəflər xüsusi iqtisadi zonaların iştirakçıları üçün müəyyənləşdirilmiş vergi rejimləri və güzəştlər, sahibkarlıq fəaliyyəti ilə məşğul olan fiziki şəxslərin vergi inzibatçılığı, pərakəndə ticarət müəssisələrinin və xidmətlərin satışı üzrə dövriyyəyə vergi nəzarəti, banklarla məlumat mübadiləsi, nağd pulla həyata keçirilə bilən əməliyyatlar üzrə qanunvericilikdə nəzərdə tutulan məhdudiyyətlərlə bağlı milli təcrübələri müzakirə ediblər. Xüsusilə, “kölgə iqtisadiyyatı”na qarşı mübarizədə strukturlararası əməkdaşlıq məsələsi diqqət mərkəzində olub. Özbəkistan Respublikasının Dövlət Vergi Komitəsinin sədrinin birinci müavini Mubin Mirzəyev “kölgə iqtisadiyyatı” ilə bağlı məsələlərin vergi orqanları qarşısında duran prioritetlərdən olduğunu vurğulayıb.

Qeyd olunub ki, Azərbaycan “kölgə iqtisadiyatı”nın miqyasının azaldılması sahəsində son illər əhəmiyyətli nəticələr əldə edib. DVX rəisi Orxan Nəzərli bu sahədə aparılan işlər barədə geniş məlumat verib. Tərəflər arasında risklərin idarə edilməsi, vergi inzibatçılığında informasiya sistemlərinin tətbiqi, zəruri məlumatların əldə olunması zamanı digər dövlət strukturlarının məlumat bazaları ilə inteqrasiya, əlavə dəyər vergisinin inzibatçılığı və s. barədə fikir mübadiləsi aparılıb.

Görüşdə ölkələrimizin vergi xidmətləri arasında əməkdaşlığın dərinləşdirilməsi, məlumat və təcrübə mübadiləsi sahəsində əlaqələrin genişləndirilməsi qərara alınıb.

VergiMikro sahibkarlıq subyektlərinə hansı güzəşt tətbiq edilir? Vergi“Vergi və hesabatlılıq” işçi qrupunun videokonfrans formatında iclası keçiriləcək VergiNaxçıvanda 1,5 mindən çox yeni vergi ödəyicisi qeydiyyata alınıb VergiMüharibə veteranı adı almış fiziki şəxslərə hansı vergi güzəşti tətbiq olunur? VergiƏDV-nin müvafiq hissəsi geri qaytarılmadıqda nə etməli? VergiOnlayn ticarətlə məşğul olan fiziki şəxsin hansı vergi öhdəlikləri yaranır? VergiYeni nəsil NKA-lar vasitəsilə dövriyyə 5,3 mlrd. manatdan çox olub VergiMənzil alınarkən ƏDV-nin geri qaytarılması bütün MTK-lara şamil olunur? VergiHansı vergi ödəyiciləri sadələşdirilmiş verginin ödəyicisi ola bilməz? Vergiİtirilmiş istifadəçi kodu, parol və şifrənin bərpası hansı qaydada mümkündür?