Geyim istehsalı ilə məşğul olan subyektin işçilərinin sayı yanvar ayında 11, fevralda 8, martda isə 6 nəfər olub. Həmin sahibkarlıq subyekti sadələşdirilmiş verginin ödəyicisi ola bilərmi?

Dövlət Vergi Xidmətindən bildirilib ki, Vergi Məcəlləsinin müddəalarına əsasən, rüb ərzində işçilərinin (faktiki işə cəlb edilən) orta sayı 10 nəfərdən çox olan istehsal fəaliyyətini həyata keçirən şəxslərin sadələşdirilmiş verginin ödəyicisi olmaq hüququ yoxdur.

Buna əsasən, istehsal fəaliyyəti üzrə rüb ərzində işçilərin orta sayı 10 nəfərdən ((11+8+6)/3=8,3) az olduğundan, sahibkarlıq subyekti həmin fəaliyyət üzrə sadələşdirilmiş verginin ödəyicisi ola bilər.

Əsas: Vergi Məcəlləsinin 218.5.8-ci maddəsi