24 Fevral 2024

VERGİLƏR

SOSİAL-İQTİSADİ ONLAYN QƏZET

Azərbaycan Respublikasının Baş Prokurorluğu və İqtisadiyyat Nazirliyi yanında Dövlət Vergi Xidmətinin birgə təlimi keçirilir

Cinayət xarakterli materialların araşdırılması zamanı yaranan problemlərin düzgün və operativ həll olunması, bu məqsədlə İqtisadiyyat Nazirliyi yanında Dövlət Vergi Xidməti ilə Azərbaycan Respublikası Baş Prokurorluğunun koordinasiyalı fəaliyyətinin təşkili məqsədilə “İbtidai araşdırma zamanı vergilərin hesablanması və vergi nəzarəti tədbirlərinin həyata keçirilməsi ilə bağlı ortaya çıxan problemlərin aradan qaldırılması üçün görülməli işlərə dair Tədbirlər Planı” təsdiq olunub. Tədbirlər Planı çərçivəsində Dövlət Vergi Xidmətinin Tədris Mərkəzi və Baş Prokurorluğun Elm-Tədris Mərkəzi ilə birgə DVX-nin müvafiq sahə üzrə fəaliyyət göstərən əməkdaşları üçün “Vergi cinayətləri üzrə sübutların toplanmasının aktual problemləri, istintaq hərəkətlərinin tətbiqi metodikası” mövzusu üzrə təlim proqramı hazırlanıb və müvafiq sərəncama əsasən onun keçirilməsinə başlanılıb.

Təlimin açılış mərasimində Baş Prokurorluğun Elm-Tədris Mərkəzinin rəisi Mübariz Əhmədov və Dövlət Vergi Xidmətinin Tədris Mərkəzinin rəisi vəzifəsini icra edən Mirəli Kazımov çıxış ediblər. Qeyd olunub ki, dövlət orqanları arasında birgə əlaqəli fəaliyyət qarşıya qoyulmuş vəzifələrin uğurla həyata keçirilməsi üçün əhəmiyyətlidir.

Baş Prokurorluğun Elm-Tədris Mərkəzinin Prokurorluq işçilərinin fəaliyyətinin qiymətləndirilməsi və peşə hazırlığının təşkili şöbəsinin rəisi Talıb Cəfərov “Müasir Azərbaycan Prokurorluğu, onun sistemi. İslahatlar və qarşıda duran yeni vəzifələr”, Baş Prokurorluğun Ədliyyə, gömrük və vergi orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəis müavini Rövşən Maqsudov “Vergi orqanlarının istintaq, təhqiqat və əməliyyat-axtarış fəaliyyətində qanunların icrasına prokuror nəzarəti” mövzuları üzrə təqdimatla çıxış ediblər.

Martın 19-dək davam edəcək təlimdə dinləyici qismində dövlət vergi orqanlarının müvafiq mütəxəssisləri ilə yanaşı, Azərbaycan Respublikası Prezidenti yanında Dövlət İdarəçilik Akademiyasının Hüquq kafedrasının müəllim heyəti də iştirak edir.

VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır? VergiHansı halda şirkət sadələşdirilmiş verginin ödəyicisi olmaq hüququnu saxlayır? VergiHesabın bağlanılması və digər filialda yeni hesabın açılması üçün banka təkrar müraciət olunmalıdırmı?