27 Noyabr 2022

VERGİLƏR

SOSİAL-İQTİSADİ ONLAYN QƏZET

Ölkə iqtisadiyyatında kiçik və orta sahibkarlıq subyektlərinin rolu gücləndiriləcək

Dövlət Vergi Xidmətinin “Azərbaycan 2030: sosial-iqtisadi inkişafa dair Milli Prioritetlər” adlı sənədə uyğun olaraq qarşıdakı illər üçün hədəfləri açıqlanıb.

Xidmətin Vergi Siyasəti İdarəsinin rəisi Nicat İmanov “Postpandemiya dövründə vergi sistemi” mövzusunda keçirilmiş konfransdakı çıxışında vergi siyasətinin əsas prioritetlərini səsləndirib. Onun sözlərinə görə, ortamüddətli dövr üçün quruculuq proseslərinin geniş vüsət alacağı, sənayeləşmənin, istehsal müəssisələrinin genişlənəcəyi nəzərə alınmaqla investisiya mühitinin əlverişliliyinin vergi yolu ilə tənzimlənməsi başlıca prioritet kimi seçilib. Əsas idxal məhsullarının yerli istehsal məhsulları ilə əvəzlənməsi üçün vergi təşviqlərinin verilməsi xüsusi önəm daşıyacaq. İstehsal müəssislərinin formalaşması ölkə iqtisadiyyatında məşğulluğun təmin edilməsi və onun dayanıqlığının artırılması, əmtəə-pul dövriyyəsinin ölkə iqtisadiyyatında dövr etməsi, ölkə iqtisadiyyatında yeni yaradılan dəyərin formalaşması, ÜDM-də orta sahibkarlıq sinfinin payının artması, investisiya qoyuluşunu təşviq edən xüsusi vergi imtiyazlarının tətbiq edilməsi ilə nəticələcək.

Qeyd edilib ki, kiçik və orta sahibkarlıq subyektlərinin iqtisadiyyatda rolunun genişləndirilməsi növbəti prioritetlər kimi müəyyənləşdirilib: “KOB subyektlərinin rəqabət qabiliyyətlərinin artırılması, institusional dəstək mexanizmlərinin tətbiqi, mikro sahibkarlıq subyektlərindən kiçik və orta sahibkarlığa keçid, bu məqsədlə hüquqi bazanın yaradılması, real sektorun maliyyələşdirilməsində fəal iştirak edən maliyyə institutlarına dəstək göstərilməsi, eləcə də həmin subyektlərin vergi xərclərinin optimallaşdırılması nəzərə tutulur”.

Şəffaflıq və nəzarət tədbirlərinin gücləndirilməsinə mühüm amil kimi diqqət yönəldən N.İmanov bildirib ki, bu məqsədlə uçot siyasətində şəffaflığın artırılması prioritetlər sırasına daxil edilib: “Haqsız rəqabətin aradan qaldırılması, rəqəmsal mühitin genişləndirilməsi və elektron xidmətlərin vergi orqanına inteqrasiya edilməsi əsas hədəfləndəndir. İlkin uçot sənədlərinin – invoysların, daxili qaimələrin, əmtəə, nəqliyyat qaiməsinin, yol vərəqələrinin və təsərrüfat fəaliyyətində istifadə edilən digər sənədləşmələrin elektronlaşdırlmasının mərhələli şəkildə həyata keçirilməsi, bununla sənədlərin korlanmasının, itirilməsinin, reyestrinin aparılmaması kimi halların aradan qaldırılması nəzarət mexanizminin məsafədən həyata keçirilməsinə və beləliklə vergi yoxlamalarının minimuma endirilməsinə nail olmaq nəzərdə tutulur”.

Qeyd edilib ki, inzibatçılığın minimuma endirilməsi üçün mikro sahibkarlıq subyektlərində mobil tətbiqlərdən istifadə edilməsi planlaşdırılır.

Fərqanə ALLAHVERDİQIZI

VergiƏDV-nin bir hissəsinin qaytarılması üzrə portal istifadəyə verilib Vergiİstehlakçıya kassa çekinin dublikatı verilməlidirmi? İqtisadiyyatHacıqabul Sənaye Məhəlləsində rezidentlərin sayı 13-ə çatıb VergiDVX-nin rəsmi saytında istifadəçilərin rahatlığı üçün yeni bölmələr yaradılır VergiBöyük Britaniya Vergi və Gömrük Administrasiyasının təlimlərinin növbəti mərhələsi başlayıb Vergi“Vergi və hesabatlılıq” işçi qrupunun iclası keçirilib VergiLizinq əməliyyatları üzrə borc ödənişləri hansı formada həyata keçirilir? VergiVergi ödəyiciləri üçün xidmətlərdə yeni rəqəmsal həllər hazırlanır VideoBiznes sahəsindəki menecerlər “Almaniya-Azərbaycan Birgə Proqramı”ndan necə yararlana bilərlər? VİDEO VideoVergi ödəyicisinin digər vergi ödəyicilərinə e-kargüzarlıq vasitəsilə sənəd göndərilməsi qaydalarını əks etdirən videotəlimat VİDEO