4 Dekabr 2020

VERGİLƏR

SOSİAL-İQTİSADİ ONLAYN QƏZET

Sahibkar: "Dövlətimiz tərəfindən işçilərimizə göstərilən maddi yardım nəticəsində ixtisarlara getmədik"

Prezident İlham Əliyevin "Koronavirus pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında" Sərəncamına əsasən, iqtisadiyyatın müxtəlif sahələrinə, o cümlədən sahibkarlığa dövlət dəstəyinin göstərilməsi ilə bağlı proqramların hazırlanmasını və icra edilməsini biznes ictimaiyyəti böyük razılıqla qarşılayıb.

Toğrul Eyyubbəyli, "Azersell Eksklyüziv"şirkətinin Şamaxı filialının rəhbəri: Dünyanı bürüyən COVID-19 pandemiyası dövründə dövlətimizin sahibkarlara dəstəyini birbaşa bundan yararlanmış fərdi sahibkar kimi çox yüksək qiymətləndirirəm. Bu dəstək bizim maddi təminatımızı bərpa etmiş, mənəvi cəhətdən də şəffaf mühasibatın faydasını təsdiq edərək işimizi bu istiqamətdə qurmaq üçün əlavə stimul yaratmışdır.

Akif Cavadov, "Kontinent" MMC-nin icraçı direktoru: "Kontinent" MMC Tikinti materiallarının satışı ilə məşğul olur. Karantin müddətində müvəqqəti olaraq, biz də işimizi dayandırmışıq. Buna baxmayaraq, dövlətimiz tərəfindən işçilərimizə göstərilən maddi yardım nəticəsində ixtisarlara getmədik, işçilərin maaşları verildi. Bu, koronavirus təhlükəsi keçəndən sonra işimizi daha tez bərpa edə bilmək üçün böyük zəmin yaradır. Bütün vətəndaşlara, eləcə də sahibkarlara göstərilən dəstəyə və qayğıya görə ölkə başçısına səmimi minnətdarlığımızı bildiririk.