17 Yanvar 2022

VERGİLƏR

SOSİAL-İQTİSADİ ONLAYN QƏZET

İqtisadiyyat Nazirliyi: Zəfər gününə həsr olunmuş minifutbol turnirinə yekun vurulub

İqtisadiyyat Nazirliyinin Birləşmiş Həmkarlar İttifaqı Komitəsinin təşkilatçılığı ilə Anım Gününə və şanlı Qələbəmizin ildönümünə həsr olunmuş “Zəfər kuboku” minifutbol turniri başa çatıb.

Nazirliyin mətbuat xidmətindən bildirilib ki, sentyabrın 25-də start verilmiş turnirdə İqtisadiyyat Nazirliyi Aparatının, strukturuna daxil olan və tabeliyindəki qurumların 45 komandası iştirak edirdi. Noyabrın 13-də keçirilən final görüşündə Dövlət Vergi Xidmətinin Aparatı ilə “Daşınmaz Əmlakın Dövlət Kadastrı və Reyestri” publik hüquqi şəxsin 1 saylı ərazi idarəsinin komandaları qarşılaşıblar. Gərgin idman mübarizəsi şəraitində keçən oyunda “Daşınmaz Əmlakın Dövlət Kadastrı və Reyestri” publik hüquqi şəxsin 1 saylı ərazi idarəsinin komandası qalib gəlib. Çempionatda ilk 3 yeri tutan komandalara və nominasiyalar üzrə fərqlənən idmançılara fəxri fərman, pul mükafatı və hədiyyələr, çempionatın qalibinə isə kubok və pul mükafatı təqdim edilib.