26 Oktyabr 2021

VERGİLƏR

SOSİAL-İQTİSADİ ONLAYN QƏZET

Bütövlüyümüzün, tamlığımızın başlanğıc günü!!!

27 senytabr Azərbaycan xalqı və dövlətimiz üçün bir zəfər mübarizəsinin başlanğıc günüdür, tapdanmış qürurumuzun, Azərbaycan xalqının ləyaqətinin, eyni zamanda uzun illər ərzində bir çox dövlətlərin dəstəyi nəticəsində işğalda saxlanılmış torpaqlarımızın azad olunmasının başlanğıc günüdür. Bu gün Azərbaycan xalqının, dövlətimizin tarixinə qızıl hərflərlə, böyük hərflərlə yazılacaq bir gün kimi düşübdür və biz hər zaman bu günü bir müqəddəs an, bizi irəliyə, inkişafa, qələbəyə, zəfərə, bütövlüyə, tamlığa aparan bir gün kimi hər zaman qeyd etməliyik və qeyd edəcəyik. 27 sentyabr tarixi həm də qürurumuzun mənbəyi, qürurumuzun ünvanı, Şuşanın azadlığına gedən, Azərbaycanın ərazi bütövlüyü, dövlət suverenliyini təmin edən və guya məğlubedilməz böyük orduya sahib, böyük dostlara, müttəfiqlərə sahib olduğu mifi yaradılmış Ermənistanın diz çökdürülməsi, kapitulyasiya sənədinə imza atması gününə aparan bir tarixdir, bir dövrdür. 44 günlük Vətən mübarizəmizin başlandığı bu an, Azərbaycan xalqını dünyanın, dünya xalqlarının, dünya dövlətlərinin gözündə qalib xalq, öz gücünə, heç bir dəstək olmadan uzun illər ərzində Ermənistanın böyük dəstək hesabına işğalda saxladığı əraziləri azad edən, BMT Təhlükəsizlik Şurasının, Azərbaycan Prezidenti cənab İlham Əliyevin qeyd etdiyi kimi, BMT tarixində demək olar ki, ilk belə bir hal yaşandı, öz gücünə qətnamələrini icra edən bir dövlətə çevirdi bizi, həmin o dövr, həmin o 27 sentyabr tarixindən başlayan o yol. Eyni zamanda, 27 sentyabr bizi, Azərbaycan xalqını və region xalqlarını gələcək inkişafa aparan bir günün, prosesin başlanğıcıdır.

Əldə etdiyimiz bu uğurlara, bu nəticələrə görə nə qədər ki Azərbaycan var, nə qədər ki müqəddəs üç rəngli bayrağımız səmamızda şərəflə dalğalanır şəhidlərimizə, qazilərimizə, hər bir əsgərimizə, zabitimizə və müzəffər komandanlığı ilə bizləri bu günlərə gətirən Prezidentimiz cənab İlham Əliyevə borcluyuq.

Anar ƏLİYEV,
Tarix üzrə fəlsəfə doktoru