Şotlandiya ofşor şirkətlərinə dövlətin maliyyə yardımını kəsib

Şotlandiya parlamentinin çıxardığı qərara əsasən, ofşorlarda qeydiyyata düşmüş şirkətlər və onların törəmələri yardım məqsədilə dövlətə müraciət edə bilməyəcəklər. Bundan əvvəl Fransa, Belçika, Danimarka, Polşa, Uels və Argentinada da oxşar qərarlar verilmişdi.

Qərara tərəfdar olan şirkətlər Şotlandiya parlamentinin atdığı addımı razılıqla qarşılayıblar, lakin xəbərdarlıq ediblər ki, bu, vergidən yayınan iri şirkətlərin dövlət fondlarına girişinin qarşısını ala bilməyəcək. Qeyd edək ki, digər Avropa dövlətləri kimi Şotlandiya da Avropa İttifaqının ofşor mərkəzlərinin "qara siyahı"sından istifadə edir. Lakin həmin siyahıya gəlirlərin gizlədilməsi üçün istifadə edilən Cersi, Britaniyanın Virciniya adaları, İsveçrə və Niderland kimi yurisdiksiyalar daxil edilməyib. Bu isə həmin ərazilərdə qeydiyyatda olan şirkətlərə vergidən yayınmaq üçün şərait yaradır.