Pandemiya səbəbindən ABŞ-da dövlət və fərdi borclar rekord həddə qalxacaq

Yeni koronavirusun yayılması fonunda bu il ABŞ-ın dövlət və korporasiya borcları artaraq rekord həddə çatacaq ki, bu da pandemiyadan sonra iqtisadiyyat üçün risklər yaradacaq

Əldə olan məlumata əsasən, cari ildə federal büdcənin xərcləri gəlirlərini 4 trilyon dollar üstələyəcək. Belə göstəricilər 1945-ci ildən bu yana qeydə alınmayıb.

Özəl sektorda da analoji vəziyyət müşahidə edilir. Son illər kreditlər hesabına fəaliyyət göstərən iri korporasiyaların əksəriyyətinin hazırkı böhran şəraitində borcları artır. Ekspertlərin fikrincə, bu kompaniyalar müəyyən mərhələdə kredit borclarını ödəməmək və ya əməkdaşların ixtisarı arasında seçim etməlidir.

Bu arada ABŞ-da işsizlik səviyyəsi artıq Böyük depressiya zamanından bəri görünməmiş həddə çatıb.