14 Noyabr 2019

VERGİLƏR

SOSİAL-İQTİSADİ ONLAYN QƏZET

Çinlə ABŞ ticarət sazişinin birinci mərhələsi üzrə razılaşma ərəfəsindədir

"Əgər nail olunsa, rəsmi Vaşinqton və Pekinin son ticarət sazişi üzrə danışıqlar çərçivəsində birinci mərhələnin tamamlanmasını qeyd edəcək razılaşma ABŞ-da imzalanacaq". Bu barədə ABŞ prezidenti Donald Tramp Nyu-Yorkdan qayıtdıqdan sonra Ağ Evdə söhbət zamanı jurnalistlərə bildirib.

Tramp ticarət sferasında mübahisələrin nizama salınması üzrə Amerika-Çin danışıqlarında irəliləyişin olduğunu bildirib: "Mən ilk növbədə sazişi bağlamaq istəyirəm. Görüş yerlərini olduqca sadə şəkildə seçmək olar. Biz ilk növbədə sazişin bağlanılmasının alınıb-alınmayacağına baxacağıq. Əgər sazişi bağlasaq, onda görüş yerlərini seçmək çox sadə olacaq. Bu harada isə ABŞ-da olacaq".