21 Oktyabr 2020

VERGİLƏR

SOSİAL-İQTİSADİ ONLAYN QƏZET

Miqrantların pul köçürmələri Ukraynaya valyuta daxilolmalarının əsas mənbələrindən biridir

Ukrayna İqtisadiyyat Nazirliyinin gözləntilərinə görə, əmək miqrantlarının Ukraynaya pul köçürmələrinin həcmi 12 milyard ABŞ dollarına çata bilər. Ukrayna KİV-lərinin məlumatına görə, bunu Ukrayna İqtisadi İnkişaf, Ticarət və Kənd Təsərrüfatı nazirinin müavini Sergey Nikolayçuk bildirib. O vurğulayıb ki, miqrantların pul köçürmələri Ukraynaya ciddi valyuta daxilolmaları mənbəyi olmaqla bərabər, həm də mübadilə məzənnəsinə əhəmiyyətli təsir göstərir.

S.Nikolayçuk onu da bildirib ki, son 5 ildə köçürmələr sürətlə artmağa başlayıb, lakin gələcəkdə miqrantlar tərəfindən köçürmələrin belə sürətlə artacağı gözlənilmir. Qeyd edək ki, ötən il Ukraynaya pul köçürmələrinin həcmi 11 milyard dollar təşkil edib.