20 Oktyabr 2020

VERGİLƏR

SOSİAL-İQTİSADİ ONLAYN QƏZET

Yeni Zelandiyada əməkhaqqını kriptovalyuta ilə ödəməyə icazə verilib

Yeni Zelandiya hökuməti müəssisələrə işçilərinin əməkhaqqını kriptovalyuta ilə ödəməyə icazə verib və qərar artıq keçən aydan qüvvədədir. Yeni Zelandiya hökumətinin qəbul etdiyi qərarda göstərilir ki, ödənişlər müntəzəm qaydada sabit məbləğdə edildiyi halda əməkhaqqı kriptovalyuta ilə verilə bilər. Bu zaman seçilən rəqəmsal pul qanuni şəkildə ödəniş vasitəsi kimi qəbul edilmiş valyutaların ən azından biri ilə bağlı olmalıdır. Bundan əlavə, əməkhaqqının ödənildiyi kriptovalyuta dönərli olmalıdır. Hökumətin bu qərarı ölkənin özüməşğul əhalisinə şamil edilmir. Əməkhaqqını kriptovalyuta ilə ödəmək qərarına gəlmiş müəssisələr üçünsə gəlir vergisinin həcmində hər hansı dəyişiklik olunmayıb.

Ekspertlər bu addımın atılmasını kifayət qədər riskli hesab edirlər: çünki kriptovalyutaların qiymətinin tərəddüdü izafi dərəcədə böyük və tez-tez ola bilər .